Anti-errepresiboa

Olga eta Txabi Basauriko espetxera lekualdatu dituzte

Kategoria gurasoa: Sopela Kategoria: Anti-errepresiboa Noiz sortua: Azteazkena, 08 Abuztua 2018 Argitaratua: Azteazkena, 08 Abuztua 2018

Euskal Presoak etxeraOlga Sanz eta Txabi Moreno preso sopeloztarrei hirugarren gradua eman diete eta Villabonako espetxetik (Asturias) Basauriko kartzelara lekualdatu dituzte. Olga eta Txabi (EPPK) Euskal Preso Politikoen Kolektibotik aldenduta zeuden eta Bilbon atxilotu zituzten 1998an. Hortaz, hogei urte inguru eman dute espetxean ETAren Bizkaia komandoko kide izatea egotzita. Atxilotuak izan zirenetik hainbat espetxetan izan dira: Alkala, Soto, Zuera, Picassent, Villavona, Aranjuez eta berriro Villabonakoan.

Sergio Polo eta Urko Labeaga oraindik preso

Une honetan beste bi euskal preso sopeloztar daude, Sergio Polo eta Urko Labeaga. Sergio Polo Algecirasen dago une honetan eta beti egon da Euskal Herritik urrun: Valdemoro eta Alkala (Madriden); Texeiro (Galizian); Picassent (Alacanten), eta azken biak, Cordoba eta Algeciras (Andaluzian).

Urko Labeaga Asturiaseko Villavona kartzelan dago. 1998an atxilotu zuten eta geroztik hainbat kartzelatan izan da: Martutene, Alcala Meco, Valdemoro, Soto del Real, Salamankako Topas, Asturiasko Villabona, Murtzian, berriro Villabona…

Orain dela gutxi, beste bi sopeloztar, Luis eta Rakel, herrira itzuli ziren 26 urte pasa ondoren, beraz, “Euskal Presoak etxera” aldarria, inoiz baino ozenagoa mantentzen da. Rakel eta Luis Sopelan, bi gutxiago

Add a comment
0
0
0
s2smodern
powered by social2s

2018k0 uztaila: azken ostirala Sopelan

Kategoria gurasoa: Sopela Kategoria: Anti-errepresiboa Noiz sortua: Osteguna, 26 Uztaila 2018 Argitaratua: Osteguna, 26 Uztaila 2018

Sopela Itsas martxa

 

Hile bakoitzeko azken ostiralean egiten den bezalaxe, bihar, hilak 27, elkarretaratzea egingo da Sopelan, herriko presoak eta iheslariak herriratzeko asmoz.
Hitzordua zortzietan izango da udaletxeko plazan: KALEAK, ETA TABERNAK HUTSIK, PLAZA BETE! goiburupean.

Era berean Plentziko 5. Itxas Martxan parte hartzeko deia egiten da, hitzordua datorren larunbatean izango da, hilak 4, 12:00etan

Add a comment
0
0
0
s2smodern

Rakel eta Luis Sopelan, bi gutxiago

Kategoria gurasoa: Sopela Kategoria: Anti-errepresiboa Noiz sortua: Astelehena, 16 Uztaila 2018 Argitaratua: Astelehena, 16 Uztaila 2018

Rakel eta Luis berriro daude Sopelan, berriro herrian.

Larrabasterrako jaien txosnen gunean ekitaldi xume eta hunkigarria ospatu zen atzo, hilak 16, 20:00etan. Bertan, Sopelako hainbat herri eragile, elkarte eta bizilagun talde handia batu zen txalaparta, dantzak, aurresku eta bertsoekin bat eginez Rakel eta Luis herrikideei ongi etorria emateko. Ekitaldian errefuxiatu, iheslari eta preso guztiak izan ziren gogoan.

26 urte herritik urrun

1991ko abenduan eta 1992ko urtarrilean Bizkaiko komandoko kide batzuk ezkutatzea leporatu zien Espainiako poliziak Rakeli eta Luisi. Rakel eta Luis bikoteari leporatutakoa Juan Ramon Rojo ETAkideari egindako “tratu txarren” bidez lortu omen zen. Geroztik Sopelatik alde egin zuten eta Belgikan bizi izan dira.

Belgikak ez du inoiz onartu Espainiako gobernua egindako eskaerak eta jadanik 1996an uko egin zion estradizio eskaerari. Are gehiago, 2006an Belgikako herritartasun lortu zuten Luisek eta Rakelek. Dena dela urte hauetan guztietan ezin izan dira ETXERA itzuli.

Add a comment
0
0
0
s2smodern

Zentsurarik ez!!! Elkarretaratzea Sopelan

Kategoria gurasoa: Sopela Kategoria: Anti-errepresiboa Noiz sortua: Ostirala, 29 Ekaina 2018 Argitaratua: Ostirala, 29 Ekaina 2018

zentsurarik ez Sopelan

 

Zentsurarik ez, isunik ere ez, kontzentrazioa!!! deiari jarraituz, Aistak Sopelako Talde Feminista, Plaza Beltza, Tosu Betirako eta Uribe Kostako Agroasanblada taldeek  elkarretaratzeko deia egin dute gaur, hilak 30, muralak ezabatzeagatik protestatzeko. Elkarretaratzea 20:00ean izango da txosnagunean.

Mural poltikoen jazarpena

Horrela salatu dute aipatutako taldeek maiatzaren 5ean gertatutakoa Sopelan izandako “mural politikoen topaketan”. Lau kolektiboek adierazi dute aurreko urteetako topaketetan ere jasan izan dituztela hainbat herritarren salaketak eta poliziaren esku-hartzea, baina "aurten pauso bat harago heldu dela herri-mugimenduaren kontrako jazarpena" ertzaintzak bederatzi pertsona identifikatu zituelako eta isunak ipini dizkie, mozal legea delakoa aplikatuz.

Taldeok esndakoaren arabera“ertzaintzak mehatxuzko jarrera eduki zuen eta ahalik eta jende gehien identifikatzen ahalegindu zen, beharrezkoak ez ziren datuak eskatu zituzten (telefono zenbakia), eta salaketak sinarazi zituzten, onartutzat eman eta helegiterik aurkeztu ezin izateko". Sopelako Udalak muralak ahalik eta arinen ezabatu zituela ere salatu dute: "Horma horrek hamarkadak daramatza garbitu barik, pintada ugari dauzka eta ugerrak jaten hasita dago, baina bitxia eman badezake ere, helburu politiko-artistikodun pintaketak baino ez dituzte ezabatu".

 

Add a comment
0
0
0
s2smodern

Sopelak “Altsasukoak aske” aldarrikatzen du.

Kategoria gurasoa: Sopela Kategoria: Anti-errepresiboa Noiz sortua: Osteguna, 14 Ekaina 2018 Argitaratua: Osteguna, 14 Ekaina 2018

Sopela Altsasua

 

 


Datorren larunbatean, hilak 16, manifestazioa izango da Iruñean Altsasuko gazteekin elkartasuna adierazteko.

“Altsasukoak aske, muntai polizialik ez” aldarrikapenaren pean Sopelatik aukera egongo da autobusez joateko. Aukera hau aprobetxatu nahi izan ezkero Sopelako Etxekhi, Laiak eta Erroia tabernan aukera dago.

Add a comment
0
0
0
s2smodern
  • ¿Sopelana o Sopela?

    En torno al debate sobre la denominación de nuestro pueblo venimos a aportar un par de documentos interesantes: uno es lel propio dictamen de Euskaltzaindia al respecto y otro, la aportación de Xabier

    Gehiago irakurri...
  • Sopela.net

    “Sopela.net” ekimen xumea da, baina helburu argia du: Sopelaz informatu, Sopelaz hausnartu, Sopelako herriari zerbitzua eman eta sopeloztarroi lekutxo bat eskaini haien artikuluak, iritziak eta ekarpenak plazara ditzagun.

    Gehiago irakurri...
  • Datu batzuk

    Sopela (honelaxe esaten diogu euskaldunok gure herriari, eta honelaxe onartzen du Euskaltzaindiak) Euskal Herria osatzen duen zazpi lurraldeetariko batean kokatzen da, Bizkaian hain zuzen ere.

    Gehiago irakurri...

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu