Gaur goizaldean Gabi Basañez, beste sei herritarekin batera, atxilotu dute. Atxilotutako guztiak Askapena erakunde internazionalistaren kideak dira eta guztiei ETAren nazioarteko aparatuaren kideak izatea leporatzen diete.

Gabi Sopelan oso ezaguna da eta Sopelarekin lotura handia du. Herrian euskalgintzaren arloan lan handia egin du eta ikastolako aita ere bada. Sopelako Ezker Abertzaleak atxiloketa hau gogor salatu du eta gaur iluntzean Algortan egingo den manifestazioan parte hartzeko deia egin du.

Atxiloketa hauen aurrean Ezker Abertzaleak "arduraz erantzuteko" deia egin du.

Askapena erakunde internazionalistak "herrien arteko elkartasuna kriminalizatu nahi dutela" adierazi du. Haien kideen atxiloketa "bahiketa bat izan dela" baieztatu du.

Komite Internazionalistak erakundeak, Askapenako kideen atxiloketak salatu ditu eta haien askatasuna eskatu du.

Gabi Basañezek Sopela.net agerkariaren kolaboratzailea da eta Sopela aste on! atalean bere ekarpenak eta gogoetak zabaldu ditu. Hemendik ere bere askatasuna eskatzen dugu. Gabi Etxera!