Iragarrita zegoen moduan, gaur eguerdian Sopelako Udaletxeko plazatik abiatuta 400 lagunek manifestazioa egin dute. Gabiren eta Iontxuren atxiloketak gaur egun zabaltzen ari den aro politiko berria zapuzteko Estatuak bultzatu dituen probokazioak direla salatu dute.

Sopelan bildutakoek etorkizun berri baten bila martxan ipinitako apustua indartzeko, abertzale, ezkertzale eta benetako demokrata guztien aktibazioa eta konpromisoak erabat beharrezkoak direla azpimarratu dute. Estatuak bere gerra eskemak desaktibatzeko herriaren presioa ezinbestekoa dela nabarmendu dute. Hori dela eta, orain arteko elkarlanak eta konfidantzak biderkatzeko deialdia zabaldu dute.

Hemen duzue manifestazioaren laburpena eta amaieran zabaldutako komunikatu osoa.