Ostiral hau apirilaren azkena da eta hilero bezala herri guztietan elkarretaratzeak egingo dira. Sopelako Udaletxeko Plazan arratsaldeko 20:00etan elkartuko dira eta presoen eskubideak errespetatuak izan daitezen eskaera egingo dute. Animo ba!

Larunbatean ehundaka herriatarrak Bilboko manifestazioan egon ziren Iñigo Cabacasen heriotzaren inguruan justizia eskatzeko eta poliziaren indarkeria geldiarezteko exijituz. Gainera, poliziaren indarkeriaren bitartez euskal herritarrengan beldurra hedatu nahi dutela jendartearen mugimendua eta mobilizazioa ekiditeko salatu dute. Iñigo Cabacasen kasua latzena izan dela salatu dute baina beste egoera oso latzak egon direla gogoratu dute. Hala nola, Kukutzaren deseustapena eta azken greba Orokorran Xuban Nafarreteren aurkako erasoa ekarri dute gogora. Amaitzeko, errepresioaren aurka mugitzeko deialdia zabaldu dute.

D3M eta Askatasuna alderdiaren aurkako epaiketa gertu dago. Datorren apirilaren 30ean hasiera emango diote epaiketa honi Madrilgo Auzitegi Nazionalean. Bertan 13 euskal herritar inputatuta daude eta haien ustezko delitua 2009ko hauteskunde autonomikoetan hautegai zerrenda abertzaleak eta ezkertiarran bultzatzea omen da. Bakoitzarentzat, 9 edo 7 urteko kartzela zigorra eskatzen du fiskaltzak. Denetara, 109 urteko kartzela zigorra

Epaiketa honen inguruan egongo diren mobilizazioak iragartzeko Algortan agerraldi bat burutu dute. Inputatu hauen artean Iker Rodrigo erandioztarra eta Eli Zubiaga algortarra daude. Agerraldian epaiketa hau saltzeaz gain datorren 26an egingo duten eskualdeko manifestazioan parte hartzeko dea zabaldu dute. Ekimen honetan ere beste auzi politikoetan auzipetuak diren herritarrak egon dira: Jose Luis Franco, Maite Amezaga, Imanol Beristain, Gabi Basañez eta Marije Fullaondo.  Hau da UKberrin argitaratu duten agerraldiaren argazkia.

Konponbidean aurrera egiteko "salbuespen neurriak" bertan behera utzi behar direla aldarrikatzeko milaka lagun bildu dira gaur arratsaldean Bilbon, Gernikako Akordioaren sinatzaileek deitutako nazio manifestazioan. Eragileen artean izan dira, besteak beste, ezker abertzaletik Rufi Etxeberria eta Maribi Ugarteburu, Aralarretik Dani Maeztu, EAtik Pello Urizar, Alternatibatik Oskar Matute eta Amaiurretik Xabier Mikel Errekondo. Manifestazioan euskal presoen etxeratzearen eta amnistiaren aldeko oihuak entzun dira.
 
Espainiako Auzitegi Konstituzionalak euskal preso zigorra luzatzeko doktrina ontzat eman izana "irmoki arbuiatu" dute, martxaren bukaeran irakurritako idatzian esan dutenez. "Konstituzionalaren erabakia oso larria da, oinarrizko giza eskubideen aurka egiten duelako. Baina, horrez gainera, gatazkaren konponbidearen aurkako erabakia da, gobernuaren borondate falta agerian uzten duena".
 
Gernikako Akordioa izenpetua duten eragileek berretsi dute "aterabide demokratikoa erdiesteko konpromisoa" dutela. "Irekiriko prozesua bururaino eramateko konpromiso osoa eta sendoa dugu; euskal herritar guztiok garaile izango garen gatazka politikoaren aterabide demokratikoraino eta giza eskubide guztien errespeturaino, alegia". Horretarako, "herritarron inplikazioa eta bultzada erabakigarria" izango dela azpimarratu dute.