Sopelako udalak 197/2006 doktrina (Parot doktrina) aplikatu zaien euskal preso guztiak berehala aske uzteko eskatu du otsailaren 28ko ohiko udalbatzan. Bildu  koalizioak  aurkeztu zuen proposamena,  eta  aldeko  hamalau  boto  jaso  zituen:  BILDUren zazpiak eta PNVren beste zazpiak. PPko zinegotzi bakarrak aurka bozkatu zuen eta PSOEko zinegotzi biak, abstenitu egin ziren.

Onartutako testuak gogorarazten du 2012ko uztailean, Estrasburgoko Giza Eskubideen Auzitegiak, Ines  Del  Río  euskal  presoaren kasuan oinarriturik197/2006 doktrina (Parot doktrina) ez legezkoa eta oinarrizko eskubideen aurkakoa dela ebatzi zuen aho  batez.

Hau bezalako erabakiak Euskal Herriko hainbat udaletan hartu dira: Gasteiz, Donostia, Santurtzi, Tolosa, Gernika, Oiartzun, Sopela… kontutan hartuz  Espainiako  Estatuak  helegitea  tartekatu  duela eta Estrasburgoko  Giza Eskubideen  Tribunalean  berrikusiko  da  datorren  martxoaren  20. 

Azkenean Sergio Polo preso Sopeloztarra isolamendutik atera dute, egoera latza horretan sei hilabetez eduki eta gero. Hasiera batetan beste sei hilabetez luzatu omen zioten, baina zorionez, luzapen hori bertan behera utzi dute. Argazkian, otsaileko azken ostiralean Sergiori aplikatutako isolamenduaren luzapenaren aurkako protesta Sopelako Udaletxeko plazan.

Sergio Polo preso Sopeloztarra sei hilabetez isolamenduan zigortu dute. Aste hauetan jakin izan dute beste sei hilabetez luzatu diotela zigorra eta urte oso bat isolamenduan mantenduko dutela horrek dakarren guztiarekin. Sopelako HERRIRAk eraso hau salatzeko komunikatua zabaldu du. Komunikatu horrek horrela dio:

Atzo jakin izan dugu Sergio Polo Escobés Sopelako preso politikoari, azken sei hilabeteotan lehenengo graduan eta isolamendu moduluan bakar-bakarrik eduki ondoren, Cordobako espetxeko Batzordeak beste sei hilabetetan isolatuta edukiko dutela esan diola. Horrek urtebete isolamenduan bakarrik betearaztea dakarkio.

Hori dela eta, Sopelan, iazko urritik hona, astelehenetako elkarretaratzeetan, zigor gehigarri hori salatu egin dugu: “Sergio isolamenduan. Aski da” lemapean bildu gara.

Azken ostiraletako elkarretaratzeetan ere aldarrikapen hori izan dugu ardatz.

Picassent espetxeko gertaera larriaren eta Cordoban ezarri zizkioten bizi-baldintza latzen ondorioz, txarto egon zen lehenengo hilabeteetan. Oraingo berriek (Picassent-en gertatu zen erasoaren erruduntzat jo dituzte epaileek) eta isolamenduaren luzapenak bere animoan aurkako eragina izango dutela pentsa dezakegu.

Berriro ere, euskal preso politikoen aurkako beste injustizien pilaketaren aurrean gaude.

Sopelako Herri Bilgunetik, Sergioren zigor gehigarri injustuaren egoera zabaltzeko eta salatzeko laguntza eskatzen dizuegu, eta, aldi berean, gutunak bidal itzazue Cordobako espetxera Sergio gainerako kideekin batu dezatela eskatuz, baita Sergiori berari animoak ematen ere, ondoan gaituela jakin dezan.

Azken ostiralean 60 auzokide Sopelako Udaletxe plazan elkartu ziren. Oraingo honetan Sergio Poloren isolamendu egoera salatu zuten. Preso Sopeloztarra hilabeteak daramatza isolamenduan preso arrunt batek sortu zuen liskarra baten ondorioz. Bere egoera aldatzeko eta euskal presoen eskubideak bermatzeko deia egin zuten.