Azkenean epaia atera dute eta Asel Luzarraga euskal idazlea errudutzat jo dute. Bere etxean armak eta lehergailua edukitzea leporatu diote. Aselen sostengu taldeek aitortu dutenez bere etxean ez dute ez armarik ezta lehergailurik aurkitu eta hau dena muntai polizial bat baino ez da. Asel Maputxe herriaren lurretan bizi da eta haiekiko elkartasuna adierazi du. "Jarrera hori zigortu nahi izan dute eta hori dela eta errudun dela erabaki dute."

Aselaskatu.org web orrialdean epaiaren berri eman dute. Bertan agertzen den balorazioan aipatzen da ikusteke dagoela zein izango den Aseli jartzen dioten zigorra. Gerta daiteke espetxera ez bidaltzea baina bai aldiz, Txiletik kanporatzea. Txileko Gobernuak helburu hori hasieratik bilatu du eta beraz oso posiblea da azkenean kanporatzeko erabakia hartzea. Aselek beti aitortu du bere gogoa Maputxen herrialdean bizitzea dela, han baitu bere laguna eta bere bizitza. Aselen aldeko argerkari digitalean dioten moduan, datorren asteartean jakinaraziko diote epaiaren nondik norakoak, eta orduan ezagutuko dugu epai horren oinarria, zigorra eta bere ondorioak.

Hori dela eta, irailaren 7an asteartean konzentrazio bat egiteko deia egin dute. Bilboko Plaza borobilean, arratsaldeko 19:30ean izango da.