Gaur, 19:00etan, Anis Hawari 1948ko errefuxiatu palestinarrak emango du hitzaldia Kurtzio Kultur Etxean Palestinari buruzko egoeraz. Honen bitartez, Bakea eta Duintasuna eta Biladi Palestinar Kultura Elkarteak palestinar herriak bizi duen errealitatea ezagutarazi nahi diete sopeloztarrei.

Bakea eta Duintasuna garapenerako lankidetza, elkartasuna eta giza eskubideen esparruan lan egiten duen elkarte independentea da eta, Biladi Palestinar Kultura Elkartea 2003an sortutako irabazi-asmorik gabeko elkartea da, herri palestinarra eta euskaldunen arteko harreman kulturalak sustatzeko helburuarekin jaioa. “Biladi” izena arabiarra da eta bere esanahia “nire lurra” da.

Hitzaldi hau Udaletxearen Gizarte Ekintza arloak antolatu du eta informazio gehiago http://www.palestinainfo.org/ orrian aurki daiteke.

Gogoan hartu Sopelako udalean jadanik bi mozio onartu direla Palestinaren alde; Lehenengoan Israelek Gazaren kontra egindako eraso basatia “Berun Operazioa" deitutakoa salatu zen eta bestean Gaza herri setiatura giza laguntza zeramaten 6 itsasontzien aurka egindako erasoa gaitzesten zen. Mozio bi hauek Ezker Abertzaleko zinegotziek aurkeztu zuten eta biak izan ziren onartuan Udalbatzan.