Eguen honetan, GITE-IPES ekin elkarlanean, Llegar a Euskal Herria / Euskal Herria helmuga bideoa aurkeztu egingo da Plaza Beltza Kulturgunean.

Bideo hau,  Patrizia Muñozek zuzendutako dokumentala da eta Euskal Herrira bi une ezberdinetan etorritako migrazioa aurkezten digu aurrez aurre. Alde batetik, 1950 eta 1960 hamarkadan etorritakoak; Industrian lan egitera etorri zirenak Espainiako estatuko gainontzeko lurraldeetatik. Eta bestaldetik, azken urteetan etorritakoak. Pertsona hauek mundu osotik etorriak dira zerbitzu eta gainontzeko lanetan jarduteko.

Patrizia Muñozek bi pertsona esanguratsu elkarrizketatzen ditu migrazio bien artean dauden puntu komunak azalarazteko. Batetik, Luz Amparo Pimiento agertzen zaigu, “La posada de los abrazos” izeneko egitasmoaren asmatzaile eta partaidea. Luz Amparok azken urteetako migrazioaren gainean hitz egiten du: arazoak, emigratzeko arrazoiak, Euskal Herrira iristea, ea. Beste aldetik, Periko Solabarria, langile, sindikalista eta diputatu ohia. Perikok 1960. hamarkadako migrazioaren gainean ari da.

Dokumentalean zehar Policarpo Fernandezek 1960ean grabatutako film bat “Bilbao ignorado” delakoaren irudiak agertzen dira ere protagonisten hitzak irudikatzeko asmoz. Policarpo Fernandezen irudiek garaiko Bilbo berezia adierazten dute; hain zuzen, garaiko Bilboko txabolak.

Bideoaren ostean solasaldia egingo da filmeko partehartzaileekin Luz Amparo Pimiento eta Perico Solabarriarekin hain zuzen ere.

FITXA TEKNIKOA

Izena: Euskal Herria Helmuga

Zuzendaria: Patrizia Muñoz

Kamara: Amaia Monasterio

Zuzeneko soinua: Ivan Crespo

Postprodukzioa: Jose Miguel Vilalta

Musika: Karidadeko Benta

Iraupena: 22´30” 

PARTAIDEAK: Patrizia Muñoz, Luz Amparo Pimiento, Periko Solabarria...