Alaji kalean diskak eta beste produktu batzuk saltzeagatik atxilotu zuten. Kartzelan 4 hilabete eta erdi igaro eta gero, eta fiskalaren iritziaren aurka, Bilboko Espetxe Zaintzako Epaitegiak behin behineko askatasauna onartu dio Alajiri. Santanderreko Bigarren Zigor Epaitegiak, bere motxilan CDak eramateagaitik 6 hilabeteko gartzela zigorra, 900€ko isuna eta 680 €ko kalte ordainketa ezarri zion aipatutako gazte bilbotarrari.

Alaji aske dago baina 900€ko isuna eta SGAEri zor dion 680€ko kalte ordaina ez ordaintzekotan hiru hilabeteko gartzela zigorra bete beharko luke. Herritar orori eta bereziki musikari eta artistei elkartasuna eskatu die Mbolo Moye Doole plataformako kideek, zigor ordaina ordaintzeko dirua denon artean biltzeko eta horretarako kontu korronte bat zabaldu dute.

Alajiren kasuak mahai gainean jarri du kaleko saltzaileen gaineko presioak dakartzan egoera larriak eta zein desegokia den Zigor Kodea jabetza intelektuala babesteko.

Bestalde, Mbolo Moye Doole plataformak jakinarazi duenez, azaroaren 13an Ministro Kontseiluak Zigor Kodea aldatzeko Lege egitasmoa aurkeztu zuen. Aipaturiko zirriborroan Jabetza Intelektualaren aurkako delituetan ezer gutxi aldatzen da: sei hilabetetik bi urtetarako gartzela zigorra mantentzen du eta ez ditu ekintza desberdinak bereizten. Kongresu espainiarrean aldaketa hau onartuko balitz ez litzateke gartzelan dauden 120 lagun baino gehiagoren egoera aldatuko, ezta kanporatuak izan direnena ere, ez 2003 urtetik gartzelatik igaro diren eta aurrekari penalak edukitzeagaitik erregularizatuak ezin izango diren 500 lagunena.

Horregaitik hurrengo eskariak egiten dituzte Etorkinen Eskubideen aldeko Batzarreko lagunek:

-Zigor Kodea aldatzerakoan Bizkaiko Auzitegiko Magistratuen jarrera onar dadila top manta Zigor Kodetik aterata, edo behintzat faltatzat eta ez delitutzat edukitzea.

-SGAEri sentikorra izan eta kalte ordainketari uko egiteko eskatzen diogu.

-Orori eta bereziki musikari eta artistei elkartasuna eskatzen diogu, zigor ordaina ordaintzeko dirua denon artean bildu eta Alaji gartzelera itzuli behar ez izateko.

Mbolo Moye Doole
Plataforma por los Derechos de las Personas Migrantes
Etorkinen Eskubideen aldeko Batzarra

Elkartasunerako kontu korrentea:
Euskadiko Kutxa        3035  0083 21 0831091022 (SOS Racismo)
Concepto:        Multas Top Manta