Justizia Soziala

Sopela: Erreferenduma konponbidea

Kategoria gurasoa: Sopela Kategoria: Justizia Soziala Noiz sortua: Astelehena, 25 Azaroa 2019 Argitaratua: Astelehena, 25 Azaroa 2019

Sopela erabakitzako eskubideaEkitaldia: azaroaren 26an Gure Esku Dago-ren eskutik

"Erreferenduma konponbidea da" goiburupean ekitaldia antolatu du Sopelako Gure Esku Dago bihar, azaroak 26, Kurtzio Kultur Etxean 19:00etan. Ekitaldia irekia da eta bertan hartuko dute parte Irantzu Perellok eta Josu Etxaburuk.

Irantzu Perello abokatua da, Abokatu Erabakizaleak erakundeko kidea, eta Proces-aren inguruko epaiaz, euro-aginduaz eta eskubideen urraketaz Catalunya-n arituko da. Josu Etxaburu  Gure Esku-en bozeramailea da eta Gure Esku-ak datozen hilabeteetan abian jarriko duen herri ekimenaren aurkezpena egingo du. Bertaratutako herritarrei hitza emango zaie.

Gure Esku-ren ustez 2019an une historiko bat bizitzen ari gara, aurten Erabakitze Eskubidea guztion agenda politikoetan dagoelako. Espainiako testuinguruan ere, agerikoa da egungo estatu ereduak lurraldetasunaren aferari irtenbide demokratiko bat emateko urteetan izan duen ezintasuna gatazka hori iraunkortuz eta ezin izan dio Calalunyan gatazkari erantzun demokratikoa eman.

Erronka: erreferendum bidez erabakitzea posible egitera

Mehatxuak mehatxu, aukerak ugariak dira, eta demokrazian sakontzeko abagunea ireki dela sinetsita dago Gure Esku eta etapa berria erreferendum bidez erabakitzea posible egitera lortu behar da, erabakitzeko ordua delako. Horregatik Sopelako Gure Esku Dagok datozen hilabetetan gauzatuko den herri ekimenaren aurkezpena egingo du eta etorkizunerako proiektu honetan parte hartzeko deia luzatzen du.

Add a comment

Sopela: %9,5eko langabezia, 641 bizilagun

Kategoria gurasoa: Sopela Kategoria: Justizia Soziala Noiz sortua: Igandea, 13 Urria 2019 Argitaratua: Igandea, 13 Urria 2019

langabezia SopelaSopela.net-ek hiruhilero argitaratzen ditu langabeziaren datuak Sopelan; horrela, 2019ko irailaren amaieran 641 langabetu zeuden. Honek suposatzen du herritarron %9,5.

Emakume gehiago: %11,2ko langabezia emakumeen artean

641 langabetu hauetatik, 372 (%11,2) emakumeak dira eta 269 (%7,8) gizonak.

Adinekoek zailtasun gehiago

646 langabetu hauetatik 339 lagunek 45 urtetik gorakoak dira, alegiak langabetuen %50 baino gehixeago.

Langabezian, aldaketa gutxi

Urtean zehar aldaketa gutxi egon dira, horrela  abenduan, 2018. urtearen amaieran, 655 sopeloztar zeuden langabezian, (%9,7); urtarrilean 660, otsailean 675, martxoan 664, apirilean 686, maiatzean 642, ekainean 646, uztailean 669, abuztuan 684 eta azkenik, orain irailean 641.

Prekarietatea nagusi lanean

Gaur egun, arazorik nabarmena lan prekarioa da; kontratazioan prekarietatea nagusitzen da argi, horrela 2019ko irailaren 228 lan kontratu gauzatu dira Sopelan, eta horietatik 20 bakarrik izan dira behin betikoak eta aurretiaz zeuden behin behinekoen artean 9 soilik bihurtu da behin betikoak; beste guztiak, alegia 199, behin behinekoak izan dira. Sektoreka aztertzen badugu, kontratu gehienak zerbitzuetan izan dira: 175.

Une honetan Bizkaian 11,6ko langabezia dago eta EAEn %10,6

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE

Add a comment

Sopelako kiroldegiko langileak borrokan 

Kategoria gurasoa: Sopela Kategoria: Justizia Soziala Noiz sortua: Astelehena, 17 Ekaina 2019 Argitaratua: Astelehena, 17 Ekaina 2019

Sopela kiroldegiaSopelako kiroldegiko langileak borrokan daude beraien lan baldintzak hobetzeko eta ondorioz bezeroentzako zerbitzu hobea eta kalitatezkoa eskaini ahal izateko.

Kiroldegiko langileon ordezkariak diren LAB eta ELA sindikatuek salatu dute zerbitzu publikoen lizitazioaren bitartez erakundeak aukerarik merkeenaren bila ibiltzen direla benetako beharretan oinarritu beharrean.

Erakundeek aukerarik merkeenari esleitze honek, ezinbestean, langileen prekarietatea dakar: jardun murritzak, aldi baterako kontratuak, jai egunen eta klaseen prestakuntzarako denboraren aitortza eza, lan postu eta ordu berriak eskuratzeko berme eza, lan arropa egokirik ez, pertsonal urria…

Erabiltzaileei eskaera

Langileen ustez, kiroldegiko erabiltzaileek ez dute ezagutzen bertakoen prekarietatea; hori dela eta, burutuko dituzten mobilizazioen bidez ez dute nahi erabiltzaileak aztoratzea, kontrakoa baizik: zerbitzuaren kalitatean sakondu nahi dute. Hortaz lan baldintzak hobetzeko egingo dituzten mobilizazioak eta paroa babesteko eskatzen diete bezeroei.

Mobilizazioak

Langileek lan-etenak egingo dituzte ekainaren 18an, 19an eta 26an, goizeko 11:00etatik 13:00etara eta arrataldeko 17:30etik 19:30era. Ekainaren 27an greba izango da.

Salaketa orokorra

Salaketa ez da bakarrik Sopelan kokatzen, Bizkaiko kiroldegi eta kirol zelaien hitzarmena duintzeko borrokan daude eta Administrazio publikoak bermatu behar duela zerbitzua eta  bertan lan egiten dutenen lan baldintzak aldarrikatzen dute. Agiriaren arabera, 18 hilabeteko negoziazioa daramate eta azken 30 urte hauetan izan dituzten hitzarmenak ez dira duinak izan; “ez gaude prest adar jotze hau onartzen jarraitzeko, sektorearen egoera jasanezina da” diote.

 

Add a comment

Sopelan: %9,6 langabezian 2019ko ekainean

Kategoria gurasoa: Sopela Kategoria: Justizia Soziala Noiz sortua: Osteguna, 25 Uztaila 2019 Argitaratua: Osteguna, 25 Uztaila 2019

langabezia Sopelan646 langabetu Sopelan, %9,6

Sopela.net-ek hiruhilero argitaratzen ditu langabeziaren datuak Sopelan; horrela, 2019ko ekainaren amaieran 646 langabetu zeuden. Honek suposatzen du herritarron %9,6. Azken hilabete hauetan, langabeziaren datuak oso egonkorrak izan dira: abenduan, 2018. urtearen amaieran, 655 sopeloztar zeuden langabezian, (%9,7); urtarrilean 660, otsailean 675, martxoan 664, apirilean 686, maiatzean 642 eta azkenik, orain ekainean: 646.

Emakume gehiago: %11,8ko langabezia emakumeen artean

646 langabetu hauetatik, 392 (%11,8) emakumeak dira eta 254 (%7,4) gizonak.

Adinekoek zailtasun gehiago

646 langabetu hauetatik 320 lagunek 45 urtetik gorakoak dira, alegiak langabetuen %50.

Prekarietatea nagusi lanean

Gaur egun, arazorik nabarmena lan prekarioa da; kontratazioan prekarietatea nagusitzen da argi, horrela 2019ko ekainean 279 lan kontratu gauzatu dira Sopelan, eta horietatik 11 bakarrik izan dira behin betikoak eta aurretiaz zeuden behin behinekoen artean 16 soilik bihurtu da behin betikoak; beste guztiak, alegia 252, behin behinekoak izan dira. Sektoreka aztertzen badugu, 199 kontratu zerbitzuetan izan dira, alegia gehienak, industrian 53 eta eraikuntzan 27.

Une honetan Bizkaian %11,4ko langabezia dago eta EAEn %10,4

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE

Add a comment

Sopela: Troquelmain enpresak ateak itxi eta 80 langile kaleratuko ditu

Kategoria gurasoa: Sopela Kategoria: Justizia Soziala Noiz sortua: Azteazkena, 15 Maiatza 2019 Argitaratua: Azteazkena, 15 Maiatza 2019

Sopela troquelmainTroquelmain (Dismodel ohia) enpresaren langileek elkarretaratzea egin dute gaur (hilak 15) lantegiaren itxiera eta 80 langileren kaleratzea salatzeko.

Langileek enpresaren erabakia gogor gaitzetsi dute, aste honetan iragarri dielako konkurtso-administratzaileak lantegiaren itxiera eta langileak kontratua eteteko lan-erregulazio espedientean daude.

Enpresaren utzikeria

Enpresak Kantabriako Maliañon du bere egoitza nagusia, eta bi lantegi ditu: Maliañokoa (Candemat ohia) eta Sopelakoa (Dismodel ohia). Troquelmainek 2017ko ekainean erosi zuen Sopelako egoitza Kantabriakoarekin bat-egiteko, eta hartzekodunen konkurtsoan sartu zen handik urtebetera.  Geroztik ia ez da inbertsiorik egin

Sopelako lantegiak autoentzako trokelak egiten ditu  eta enpresa batzordearen arabera, lantegia "bideragarria, lan karga badu". Hori dela eta, lantegia Troquelmain bihurtu zenetik enprearen kudeatzaileek izandako "utzikeria" salatu dute sindikatuek.

Enpresaren itxieraren aurka eta horren bideragarritasunaren alde borrokatuko direla adierazi dute langileek. Era berean instituzioen laguntza eta herritarron babesa eskatzen dute lantegiaren industria-proiektua eta enplegua bermatzeko.

Lehen elkartasun aldarria

Hauteskunde kanpaina dela eta, arratsaldean EHBilduk bere ekitaldi nagusia zuen Sopelan, eta Unai del Burgok, Sopelako alkategaia EHBilduren izenean, oholtzara igo bezain laster, elkartasuna adierazi zien langileei: "Troquelmain enpresaren itxiera salatu eta 80 langileei gure elkartasun osoa eta babesa helarazten diegu. Langileen ustez enpresa bideragarria da, erakunde publikoen babesa eskatzen dute... gure babesa baduzue"

Add a comment

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu