Justizia Soziala

Sopela: Troquelmain enpresak ateak itxi eta 80 langile kaleratuko ditu

Kategoria gurasoa: Sopela Kategoria: Justizia Soziala Noiz sortua: Azteazkena, 15 Maiatza 2019 Argitaratua: Azteazkena, 15 Maiatza 2019

Sopela troquelmainTroquelmain (Dismodel ohia) enpresaren langileek elkarretaratzea egin dute gaur (hilak 15) lantegiaren itxiera eta 80 langileren kaleratzea salatzeko.

Langileek enpresaren erabakia gogor gaitzetsi dute, aste honetan iragarri dielako konkurtso-administratzaileak lantegiaren itxiera eta langileak kontratua eteteko lan-erregulazio espedientean daude.

Enpresaren utzikeria

Enpresak Kantabriako Maliañon du bere egoitza nagusia, eta bi lantegi ditu: Maliañokoa (Candemat ohia) eta Sopelakoa (Dismodel ohia). Troquelmainek 2017ko ekainean erosi zuen Sopelako egoitza Kantabriakoarekin bat-egiteko, eta hartzekodunen konkurtsoan sartu zen handik urtebetera.  Geroztik ia ez da inbertsiorik egin

Sopelako lantegiak autoentzako trokelak egiten ditu  eta enpresa batzordearen arabera, lantegia "bideragarria, lan karga badu". Hori dela eta, lantegia Troquelmain bihurtu zenetik enprearen kudeatzaileek izandako "utzikeria" salatu dute sindikatuek.

Enpresaren itxieraren aurka eta horren bideragarritasunaren alde borrokatuko direla adierazi dute langileek. Era berean instituzioen laguntza eta herritarron babesa eskatzen dute lantegiaren industria-proiektua eta enplegua bermatzeko.

Lehen elkartasun aldarria

Hauteskunde kanpaina dela eta, arratsaldean EHBilduk bere ekitaldi nagusia zuen Sopelan, eta Unai del Burgok, Sopelako alkategaia EHBilduren izenean, oholtzara igo bezain laster, elkartasuna adierazi zien langileei: "Troquelmain enpresaren itxiera salatu eta 80 langileei gure elkartasun osoa eta babesa helarazten diegu. Langileen ustez enpresa bideragarria da, erakunde publikoen babesa eskatzen dute... gure babesa baduzue"

Add a comment
0
0
0
s2smodern
powered by social2s

Sopelan: %9,8 langabezian 2019ko martxoan

Kategoria gurasoa: Sopela Kategoria: Justizia Soziala Noiz sortua: Astelehena, 15 Apirila 2019 Argitaratua: Astelehena, 15 Apirila 2019

Sopela, langabeziaSopela.net-ek hiruhilero argitaratzen ditu langabeziaren datuak Sopelan; horrela, 2019ko martxoaren amaieran 664 langabetu zeuden. Honek suposatzen du herritarron %9,8. Azken hilabete hauetan, langabeziaren datuak oso egonkorrak izan dira: abenduan, 2018. urtearen amaieran, 655 sopeloztar zeuden langabezian, (%9,7);urtarrilean 660 eta otsailean 675.

Emakume gehiago: %11ko langabezia emakumeen artean

664 langabetu hauetatik, 387 (%11) emakumeak dira eta 277 (%8) gizonak.

Adinekoek zailtasun gehiago

664 langabetu hauetatik 326 lagunek 45 urtetik gorakoak dira.

Kontratazioan prekarietatea nagusi
Gaur egun, arazorik nabarmena lan prekarioa da; kontratazioan prekarietatea nagusitzen da argi, horrela 2019ko martxoan 141 lan kontratu gauzatu dira Sopelan, eta horietatik 7 bakarrik izan dira behin betikoak eta aurretiaz zeuden behin behinekoen artean 1 soilik bihurtu da behin betikoak; beste guztiak, alegia 133, behin behinekoak izan dira. Sektoreka aztertzen badugu, 106 kontratu zerbitzuetan izan dira, alegia gehienak, industrian 20, eraikuntzan 14 eta 1 lehen sektorean

Une honetan Bizkaian %12ko langabezia dago eta EAEn %11

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE

Add a comment
0
0
0
s2smodern

Sopela: Joku etxeen ustelkeria eta haien eragina

Kategoria gurasoa: Sopela Kategoria: Justizia Soziala Noiz sortua: Igandea, 03 Otsaila 2019 Argitaratua: Igandea, 03 Otsaila 2019

Sopela Igor Meltxor

 

Igor Meltxor kazetaria Sopelara etorriko da joku etxeen ustelkeriaz eta haien eraginaz Euskal Herrian aritzeko. Solasaldia otsailaren 6an izango da, 19:00etan.

Igor Meltxor behin baino gehiagotan etorri da Sopelara “Gestion a la vasca” gaiaz aritzeko edo “Kazetari Kanaia” egitasmoa aurkezteko eta oraingo honetan Plaza Beltza Kulturguneren eskutik etorriko zaigu berriro.

Solasaldia, beraz, Plaza Beltzak dituen lokalean izango da Loiola Ander Deuna kaleko 40. atarian (Larrabasterran)

Add a comment
0
0
0
s2smodern

Mahai-ingurua: stop faxismoari bozken bidez?

Kategoria gurasoa: Sopela Kategoria: Justizia Soziala Noiz sortua: Osteguna, 11 Apirila 2019 Argitaratua: Osteguna, 11 Apirila 2019

stop faxismoa

 

 

Apirilaren 28ko hauteskunde deialdiari begira, gaur, hilak 11, Plaza Beltza Kulturguneak mahai-ingurua antolatu du “Bozkatzea faxismoaren aurkako tresna izan daiteke” goiburpean.

 

Mahai-ingurua Larrabasterrako Loiola Ander Deuna 40 kaleko lokalean izango da 19:00etan eta partaideak izango dira: Unai del Burgo (EHBildu); Izaro Gorostidi (EHUko irakaslea); Eder Garcia Lopez (Elkarrekin Podemos) eta Endika Alabort (CNT).

 

Add a comment
0
0
0
s2smodern

Sopelan: %9,7 langabezian 2018.an

Kategoria gurasoa: Sopela Kategoria: Justizia Soziala Noiz sortua: Astelehena, 14 Urtarrila 2019 Argitaratua: Astelehena, 14 Urtarrila 2019

Sopela langabeziaSopela.net-ek hiruhilero argitaratzen ditu langabeziaren datuak Sopelan; horrela, 2018. urtearen amaieran gure herrian 655 langabetu zeuden. Honek suposatzen du biztanleon %9,7 eta iaztik hona, zertxobait murriztu dela langabezia, 2017. urtearen amaieran, tasa %10,2koa baitzen.

Emakume gehiago: %11,3ko langabezia emakumeen artean

655 langabetu hauetatik, 373 (%11,3) emakumeak dira eta 282 (%8,2) gizonak. 2017. urtearekin alderatuz, Sopelan, emakumeen artean %11,2ko langabezia zegoen eta gizonen artean %9,2. Ikus daitekeenez, emakumeen artean iazko langabezia tasa errepikatu da, eta gizonena puntu oso bat jeitsi da.

Kontratazioan prekarietatea nagusi
Kontratazioan prekarietatea nagusitzen da argi: 2018eko abenduan 114 lan kontratu gauzatu dira Sopelan, eta horietatik 11 bakarrik izan dira behin betikoak eta aurretiaz zeuden behin behinekoen artean 3 soilik bihurtu dira behin betikoak; beste guztiak, alegia 100, behin behinekoak izan dira. Sektoreka aztertzen badugu, 82 kontratu zerbitzuetan izan dira, industrian 25 eta eraikuntzan 7.

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE

Add a comment
0
0
0
s2smodern

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu